共 0 件產品

總額: HK$0.00

論壇

 一次維修電腦的不快經歷 返回上一頁     發表回覆

Ziv
[樓主]
前幾日開過POST話部電腦開唔到機,自己搵唔到有咩問題,於是便拎左落街搵人整,
第二日間鋪就打黎報價,電話係我細佬聽既,佢聽完之後就冇答應話整,跟住我番到屋企
聽到個價之後(一條TEAM GROUP DDR2 800 2GB RAM),佢話呢條RAM要收$390,我立即
話呢個係呃人價,仲即刻打番電話去間鋪,話唔要,佢就話已經開左盒,仲話師傅收左工,聽日
再傾,咁我今日去理論啦,結果講唔夠兩句佢就話冇得傾,叫我報警,好,我就報警,阿SIR黎到
話呢D好難講,大家都冇證據,結果擾攘之下佢只係平左$70蚊(所有既費用係$920,最後收$850)

整左既野:換左個OPTRON HX400W火牛
              一條TEAM GROUP DDR2 800 2GB RAM
              CUP既散熱扇維修

大家評下理,呢間係咪黑店...
地址係秀茂坪街市,X晉電腦系統(各位街坊認住啦,小心D佢地既做生意手法,估唔到做街坊生意既,都可以咁唔老實....)

0
引用 2013-01-09 11:46

  • MuktaDing
    插線途中, 聽到佢同另一個阿叔同個死o靚妹(12,3歲到)sell lan & graph card,
    話all in one 板冇lan & graphic 卡, 叫ar叔另買, 唔係用唔到... (當時ar叔應該都係燒左野)
    成千銀 2塊...

    ar叔話, 你又話同我之前果d一樣牌子型號, 點解之前唔使另外買?
    店員話, 你燒左呀ma, 所以要買...
    o靚妹, 1000 ja ma, 快d比錢la,
    店員, 我幫你"砌番好部機佢, 人工500, 不過見你買咁多, 收450 la
    引用 2013-01-13 00:39
    0

  • KamaTsang
    HAHAH 自己搞唔掂, 托人重要屋村鋪, 一定當你係水魚係咁湯, 當俾錢交學費喇~
    引用 2013-01-13 03:15
    0

  • Kellen
    呢個係量o既問題, 我做過高登, d貨賺幾錢我好清楚, 我可以講大鋪同代理商一早傾好, 如果跑到幾多量就會有幾多% rebate, 假設一粒cpu返價$1000, 大鋪可能應承一季跑5000粒cpu就有2%rebate, 月頭大鋪就可能會加$20就出街, 即係標價$1020, 之後可能過o左兩個半月, 發現只係賣o左3500粒, 要追埋淨低果1500粒, 咁佢地就可能標$980, 帳面蝕$20, 之後完o左第一季, 我地黎計利潤, 起初3500粒每粒賺20蚊, 就有7萬, 之後果1500粒每粒蝕20蚊, 就蝕o左3萬, 最後因為該鋪成功跑到5000粒cpu, 所以有2%rebate, 即係1000x5000x0.02= 10萬, 最後就係 7萬-3萬+10萬= 14萬, 即大概每月單cpu收入可能會有4.7萬...

    但以上計算只適用於大鋪, 佢地根本唔係睇件貨返幾錢, 而係睇rebate有幾多, 用頭先個例子, 佢地要追數時, 故意蝕錢走貨, 因為佢地標$980, 仲平過同代理o既行家價, 結果d行家變成同大鋪攞貨, 咁就好快可以走晒d貨...

    咁細鋪點為生? 有d本身間鋪係自己o既就冇乜問題, 如果係租鋪o既好辛苦, 一般一件零件賺20蚊, 如果砌一部機 cpu, ramx2, harddisk, mainboard, dvd, case, powersupply, 8件散件即係賺 $160, 再加50-100砌機費, 有時打得手鬆d就有$300賺, 一台機先賺$300, 究竟要砌幾多部機先維到生? 我當一個人6000蚊人工, 都要砌20台先夠出糧, 差唔多日日要有機砌先回到本, 通常再加埋平時零售散件, 都唔夠維生, 所以主要賺錢就來自維修電腦同公司保養, 有d公司因為請唔起電腦人/唔想請多個人, 會去高登搵電腦公司, 接手所有電腦o既維修同支援, 一般會收一年/半年o既保養費, 而維修電腦通常收取$150-$400不等o既修理費(上門另計), 視乎間公司電腦師傅o既經驗...

    再講屋村鋪, 屋村鋪明顯好處就係租金比較平, 缺點就當然係冇咩人流, 佢地攞貨好明顯都係去高登格價, 不過格黎格去都係果三間, 點解佢地唔同代理直接入貨? 因為佢地量少, 而且唔集中, 人地代理兩三車貨就可以車晒成個高登一日o既量, 佢冇可能特登車入其他地方送貨...
    屋村鋪另一缺點就係d貨唔夠新, 因為佢地都始終都要入d貨方便d要即刻出o既機, 所以會儲定d貨以備不時之需, 一般唔知放幾耐, 而且因為佢地唔係成日出貨, 價錢亦冇可能追貼高登, 入o左貨之後跌價亦唔會有補價, 由於佢地入貨貴(交通問題), 出貨唔多, 冇辦法唔賣得貴d, 貴50-80都無可口非, 有時都有可能會出現屋村平過高登o既情況, 好似ram呢類格價浮動得比較利害o既電子產品, 大幅格價上升時, 屋村鋪未必咁快就跟上...

    老實講, 呢單野由頭到尾都只係聽樓主講, 實情係點冇人知, 你細佬唔識電腦, 隨口答人叫人整都唔奇, 返黎見你咁o既反應又唔敢認都有可能, 我角度上, 如果係純整機, 一般都只係會壞其中一樣, 唔知係牛定ram啦, 如果係壞牛, 好大機會就係見你部機慢, 問你加唔加ram, 風扇可能見你太污糟而問你換唔換新, 當然我都唔排除有d話50-100上門維修果d係明呃, 我當你條ram $200+ 一隻垃圾牛$290+ 風扇$60 = 550 即係打o左人工$370, 我當間鋪賺夠500, $500會唔會發達? 你落街搵個開鎖佬同你換個鎖都$500啦, 我當間屋村鋪$6000租, 自己人工10000, 請多條靚6000, 燈油火蠟保險會計商業登記都唔計, 每個月最少要呃44個樓主咁o既水魚先夠, 一個月26日工作, 唔好多, 假設有一半會報警, 個店主基本上唔洗返工, 日日係警署落口供就夠...

    P.S. 好多人淨係識睇高登個價, 你自己本事識砌, 自己去買料搞掂係好事, 自己唔識要搵人整, 就點都要俾人賺錢, 我唔排除呢個世界好多人對電腦有興趣而做義工, 不過唔好誤會整電腦就唔洗收錢!! 我以前公司好串, 唔係自己出o既機唔會整, 如果真係要我地整就會另收$300檢查費, 主要係杜絕樓主呢類人...咩野叫黑店? 入o左去拉閘, 屈你買幾萬蚊野先放你走果d, 仲有果d唔知咩野傳銷, 入會又要碌卡, 碌幾萬蚊果d就係黑店, 賺你果500我都唔知黑o係邊??
    如果樓主覺得人地賺你500好唔順氣, 你大可以睇樓下惠康, 如果你知道佢地返貨價, 你吐血都似...
    引用 2013-01-13 03:43
    0

  • Kellen
    人就係咁, 人工永遠話唔夠, 人地賺多佢幾十蚊就話你無良奸商, 差d數臭你祖宗十八代, 老實講, 我以前做電腦, 真係為興趣, 貪佢問題日日新鮮, 日日有新挑戰, 幫每個客砌完機, 睇佢地拎新機個樣好滿足, 甚至有d客死windows/錯手format, 要救番d資料, 我地都會同佢地救, 每一次成功幫到人都好開心, 我地冇高o既學歷, 但係我地願意付出, 有時d客真係好趕要機, 我都會照同佢趕(OT冇人工), 大熱天時仲有可能送貨, 上門維修有d機唔係即時整到, 就托番公司整, 再送番轉頭, 成日對電腦多過對人, 工作時間永遠都係比較夜, 想進修都冇機會, 睇住身邊d人工資越黎越高, 自己連雙糧都冇, 過年最多俾多幾千蚊你當花紅,
    我地識o既野唔係個個識, 電腦知識唔係學完就可以用一世, 年年都有新野出, 一出新野又要重新學過, 有時仲要做埋苦力(跟車送貨), 但係人工永遠冇可能過兩萬, 仲有時會遇到d反口西客, 呢行你做得耐就知, 終有一日會俾人淘汰, 千祈唔好諗住做一世高登, 一有機會就要走...

    我可以話睇住成個電腦業o既變遷, 我玩o左電腦好多年, 第一次接觸o既電腦係286, 黑白mon, 但係我o係返學時代已經同人整機, 由果時紅極一時o既cih病毒我都已經整過唔少, 正式做電腦果時係2000年, 睇住由大mon, 轉為lcd, 而家就led, harddisk 由 幾GB, 到而家2TB, 屋企上網33.6k到而家1000Mb, 由有線變成無線, 電腦所有野都不停進步, 但係價錢就越黎越平, 以前砌部$6000o既機已經俾人話垃圾, 一般廠機都過萬, 而家砌$3000都俾人話食水深, 我唔係話電腦冇得做, 不過唔會係o係高登入面囉, 好多電腦人都好專業, 只差張沙紙, 早d離開高登, 穩份朝九晚五o既help desk, 讀幾年書, 考番個degree, 條路就好行好多...
    引用 2013-01-13 06:52
    0

  • Kellen
    OPTRON HX400W火牛開唔到機, 3樣當中係得火牛最大可疑

    TEAM GROUP DDR2 800 2GB RAM
    ram真係好少會壞, 應該係無事既
    你當附加費喇

    CPU既散熱扇維修
    我諗應該係幫你上過d散熱膏,洗下塵當維修


    就算唔識電腦, 搵d識既朋友問下
    再唔係問朋友借零件換下, 咁先知壞咩
    你拎得比人整, 人地都預左你唔識整架喇...
    任佢講, 實貴...
    引用 2013-01-13 12:25
    0

  • 小肥仔
    本來我都想自己試下整架..但我唔知有咩方法可以CHECK到邊個硬件有問題..
    引用 2013-01-13 16:54
    0

  • QueenieKo
    路過
    引用 2013-01-13 18:19
    0

  • Toakase
    天水圍e+出Core 2 Duo既機要7000= =我O左
    引用 2013-01-13 18:37
    0

  • 小肥仔
    路過
    引用 2013-01-13 19:11
    0

  • CreightonG
    自用電腦, 最有好多一部可以互換parts和CPU電腦, 咁就可以自已找出壞機原因.
    引用 2013-01-13 20:09
    0

  • KingNam
    唔想俾人滾咪自學囉................學識邊個滾到你
    引用 2013-01-13 21:46
    0

  • 彬仔
    路過
    引用 2013-01-14 02:43
    0

  • Melba
    路過
    引用 2013-01-14 03:05
    0

  • YaleChoi
    報警有咩用姐..呢d野唔係刑事佢都懶理..
    佢地只係想搵大case立大功~~

    打去消費者委員會 投拆佢啦...
    消費者投訴及諮詢熱線        ：        (852) 29292222

    不過如果下次再發生咁既事..
    可以有第個方法..
    拿手機拍低鋪頭名..以及對話(包括報價)
    跟住同個店舖負責人話會上網分享呢間鋪既貨品價錢..
    通常d老板都會妥協..

    如果唔妥協,你就放上網俾人知啦~~
    不過記住你自己既語氣唔好太串..
    唔係d網友只會覺得係你搞事~~

    唔駛怕佢打你或者兇你..
    因為傷人同恐嚇都係刑事..
    d警察扑都扑埋來~~
    引用 2013-01-14 07:32
    0

  • Curran
    人地唔使交租呀？
    下下用黃金價黎比較d 零件
    咁大個人都仲係咁

    下次去半島飲杯咖啡又同佢講你樓下間茶記都係十零蚊啦
    引用 2013-01-14 07:42
    0

  • Newman
    師兄,好波
    其實依家我都做到好心淡
    係深水埗問鋪
    唔講鋪租講人工依家好多間都頂唔住
    個個人都隔過渣
    早兩日幫人整部手提電腦
    個客爆MON 話貴過400唔整
    我見咁岩有塊二手舊舊地就咁比佢
    講明MON有烘,接受唔到就唔好要,
    交易時都講明無保無得退
    拎個時都話無問題
    拎到返屋企自己條女唔鐘意
    打黎嘈話唔可以咁做生意
    話自己好唔開心
    我都答佢,你自己都要負責任,買個時講明無保無得退
    依家又係打去消委會
    唉....都唔知呢D係咩人
    我實企硬,我比乞丐都唔妥協!
    引用 2013-01-14 09:04
    0

  • 王允
    牛呢家野唔係隻隻都保護到後面d件既, 不過果d唔安全既牛牛已經好小啦,ram又真係幾難會壞,間野擺明就係黑店尼架啦, 但係樓主都係貪方便先去樓下整架姐, 呢d事件只可當自己 用錢買方便law, 睇條數就比間野賺左4百蚊(唔計人工) ,咪當搭的士去 ssp 再返屋企law
    另外,消委會長期都係錄音架, 你打去錄音簡單講件事出尼,記得講埋自己聯絡,佢地就會打比你架啦, 不過 有一半機會唔打比你, 過3,4日見佢唔打比你 ,咁你可以再fax埋件事比佢地就通常都打比你存啦~
    引用 2013-01-14 12:11
    0

  • Lyris
    所以,...搵人整電腦....都真係要問下口碑-,-
    引用 2013-01-14 16:40
    0

  • ServanGeun
    一直都無人講，靜係開唔到機點會換咁多野架!？樓主開唔到機一下子死咁多野都好黑wor!
    CUP既散熱扇維修 <~~~ 整依樣野最奇怪，點解唔係換係整？點整法？有d情況係有得整，不過唔使點錢，風扇死開唔到機？好罕見遮。
    死牛連帶整死其他野的確係有咁既情況(都算罕見，因為牛入面有保護)，但係無見過壞牛靜係整死條ram同風扇囉! (通常係死板死卡先)

    引用 2013-01-14 21:25
    0

  • ServanGeun
    我覺得最大問題係間舖話整左Ｄ咩野，無講清楚點收錢法。
    開唔到機要換咁多野好少見，風扇維修最奇怪，所謂”整”，掃下塵咁就叫整左既真係有Ｄ鑑粗黎，一係就唔鬼好寫落去當送份人情就算。
    換左就係換左，又無理由寫”整左”。
    開唔到機加條RAM就更怪，加條RAM要花幾多時間？點解要預先開定盒？佢細佬係電話點答都好，係唔係等樓主黎到對口對面咁裝比佢睇先至係醒？
    唔係話”整好啦，拿！整左Ｄ咩野，比錢啦！”依個先係最大問題，開唔到機就整到佢開到，建議加野係唔係到時先慢慢傾先係架。
    （我仍然認為條RAM係鑑粗加落去）
    引用 2013-01-14 22:18
    0
 1 2 3 >>

發表回覆：

bChat