0 件產品

總額: HK$0.00

論壇

 一次維修電腦的不快經歷 返回上一頁     發表回覆

Ziv
[樓主]
前幾日開過POST話部電腦開唔到機,自己搵唔到有咩問題,於是便拎左落街搵人整,
第二日間鋪就打黎報價,電話係我細佬聽既,佢聽完之後就冇答應話整,跟住我番到屋企
聽到個價之後(一條TEAM GROUP DDR2 800 2GB RAM),佢話呢條RAM要收$390,我立即
話呢個係呃人價,仲即刻打番電話去間鋪,話唔要,佢就話已經開左盒,仲話師傅收左工,聽日
再傾,咁我今日去理論啦,結果講唔夠兩句佢就話冇得傾,叫我報警,好,我就報警,阿SIR黎到
話呢D好難講,大家都冇證據,結果擾攘之下佢只係平左$70蚊(所有既費用係$920,最後收$850)

整左既野:換左個OPTRON HX400W火牛
              一條TEAM GROUP DDR2 800 2GB RAM
              CUP既散熱扇維修

大家評下理,呢間係咪黑店...
地址係秀茂坪街市,X晉電腦系統(各位街坊認住啦,小心D佢地既做生意手法,估唔到做街坊生意既,都可以咁唔老實....)

0
引用 2013-01-09 11:46
  • 咁我都應該同師兄差唔多時間玩電腦...我第一部電腦係APPLE II...之後就IBM

    其實我想講...CPU風扇唔郁...其實係有機會令到部機開唔到...因為粒U太熱而導致
    當然...都要睇埋機箱同本身部機嘅散熱情況...如果係細機箱...咁真係會有機會
    不過...如果RAM有問題...底板應會有響或者提示...火牛死就應該會連POWER燈都唔著...
    樓主有冇留意到POWER燈有冇著呢?
    引用 2013-01-15 02:36
    0
  • 我覺得最大問題係間舖話整左D咩野,無講清楚點收錢法。
    開唔到機要換咁多野好少見,風扇維修最奇怪,所謂”整”,掃下塵咁就叫整左既真係有D鑑粗黎,一係就唔鬼好寫落去當送份人情就算。
    換左就係換左,又無理由寫”整左”。
    開唔到機加條RAM就更怪,加條RAM要花幾多時間?點解要預先開定盒?佢細佬係電話點答都好,係唔係等樓主黎到對口對面咁裝比佢睇先至係醒?
    唔係話”整好啦,拿!整左D咩野,比錢啦!”依個先係最大問題,開唔到機就整到佢開到,建議加野係唔係到時先慢慢傾先係架。
    (我仍然認為條RAM係鑑粗加落去)
    引用 2013-01-14 22:18
    0
  • 路過
    引用 2013-01-16 17:49
    0
  • 插線途中, 聽到佢同另一個阿叔同個死o靚妹(12,3歲到)sell lan & graph card,
    話all in one 板冇lan & graphic 卡, 叫ar叔另買, 唔係用唔到... (當時ar叔應該都係燒左野)
    成千銀 2塊...

    ar叔話, 你又話同我之前果d一樣牌子型號, 點解之前唔使另外買?
    店員話, 你燒左呀ma, 所以要買...
    o靚妹, 1000 ja ma, 快d比錢la,
    店員, 我幫你"砌番好部機佢, 人工500, 不過見你買咁多, 收450 la
    引用 2013-01-13 00:39
    0
  • 呢D黑店都見唔少  度度都有  我有朋友都試過比電腦去一間鋪到check部主機咩事
    點知個店主就要收佢300$檢查費先比返部主機佢  唔比要keep住佢部主機囉
    仲有仲無品到換張廢顯示卡成800$  佢本身個張好過佢個張廢既顯示卡好多
    其實只要維修下就用得返  維修都係100$到  佢仲無品到想拎左張卡去維修完賣比人
    所以話唔好自己一個人去  最好帶埋朋友一齊去  佢就唔敢會昆你
    我今次買手提電腦  本來想係豐澤買既
    點知個職員好無品  我見佢拎出黎個部手提電腦唔係全新未開封
    想叫佢換個部比我  點知佢即刻開機裝window  之後話因為已經幫你開左機裝緊window  你唔可以唔買
    你暫時唔夠錢可以比3成按金先  你地話呢D係咩服務態度黎?  明屈你買囉
    我最後都冇買到  一睇就知佢想賣左部電腦出去有bonus分啦  最好笑係估唔到豐澤既職員會咁樣對客人
    轉換你係我  你會唔會同佢買個部電腦?

    引用 2013-01-15 20:17
    0
  • 路過
    引用 2013-01-14 02:43
    0

  • 老實講, 你搵人上黎整水喉整門鎖都要錢啦, 除o左本身件零件錢, 仲會另外收服務費, 而家上門同你整, 你仲要求人地高登價俾你, 咁人地食風咩?
    有d野你唔識就要俾錢人賺架啦, 我以前都係做電腦, 就係太多樓主d咁o既人先冇做, 行行都有專業, 亦有自己o既尊嚴, 賺你果幾舊水又要報警又要消委會, 又唔見你去屋企樓下投訴間麥記暴利, 佢地d食物原材料好平架咋, 成本幾蚊o既餐賣廿幾三十蚊!!
    引用 2013-01-16 07:27
    0
  • 十多年前我有一次壞機cpu行266mhz要整500元之後,我就自學裝機每幾年更新一次電腦........
    引用 2013-01-17 12:21
    0
  • 你電腦資歷應該同我差不多,我都係綠MON年代玩起,睇化LU。

    所以我已經轉行,再做落去無咩意思。
    引用 2013-01-16 21:44
    0
  • 樓主,下次有壞機,PM我,唔收錢,但你要請我食飯..呵呵!!
    引用 2013-01-17 17:56
    0
  • 路過
    引用 2013-01-15 04:22
    0
  • 大大 下次自己來啦
    火牛 都要人同你換~~
    真的有點多餘...

    下次先找相熟朋友借 零件試試先~~
    引用 2013-01-15 21:28
    0
  • 師兄講得岩.......
    引用 2013-01-15 21:10
    0
  • 一直都無人講,靜係開唔到機點會換咁多野架!?樓主開唔到機一下子死咁多野都好黑wor!
    CUP既散熱扇維修 <~~~ 整依樣野最奇怪,點解唔係換係整?點整法?有d情況係有得整,不過唔使點錢,風扇死開唔到機?好罕見遮。
    死牛連帶整死其他野的確係有咁既情況(都算罕見,因為牛入面有保護),但係無見過壞牛靜係整死條ram同風扇囉! (通常係死板死卡先)

    引用 2013-01-14 21:25
    0
  • 間野d 時間唔值錢
    不如執左佢把啦
    人地秒秒上落幾十萬個d ~~人地整快少少都係佢幾年生意囉
    引用 2013-01-17 07:06
    0
  • 樓主真係慘..咁俾人呃法.....下次壞左換部廠機啦,三年換一部都唔洗煩
    引用 2013-01-15 18:39
    0
  • 而家硬件平過人工
    仲整黎做乜
    為興趣就玩下jei~

    班要整gei 又出唔起錢俾人整
    當佢抬部機黎
    頂多咪值千零蚊
    你食佢幾舊水
    係咪唱到你落十分層地獄你自己諗啦
    引用 2013-01-15 14:54
    0
  • 牛呢家野唔係隻隻都保護到後面d件既, 不過果d唔安全既牛牛已經好小啦,ram又真係幾難會壞,間野擺明就係黑店尼架啦, 但係樓主都係貪方便先去樓下整架姐, 呢d事件只可當自己 用錢買方便law, 睇條數就比間野賺左4百蚊(唔計人工) ,咪當搭的士去 ssp 再返屋企law
    另外,消委會長期都係錄音架, 你打去錄音簡單講件事出尼,記得講埋自己聯絡,佢地就會打比你架啦, 不過 有一半機會唔打比你, 過3,4日見佢唔打比你 ,咁你可以再fax埋件事比佢地就通常都打比你存啦~
    引用 2013-01-14 12:11
    0
  • 其實要講罪魁禍首, 係當年有間叫黃金科技o既鋪頭, 為o左走貨, 全店所有野加20蚊就出街, 當時其他鋪頭為o左爭返d客就只好跟佢一齊癲, 最後黃金科技就走數執粒, 但係所有野標20蚊就出街o既做法就一直延禍至今, 一粒成千蚊o既cpu賺20蚊, 在生意o既角度上完全係唔合理, 你走去兇宅百老睇下, 佢地求其一件野都可以打到9折俾你(電腦除外)...
    再加埋d懶係叻o既高登報價系統, 令批發價出晒街, d客知價更會壓住黎打, 基本上只有d唔知價o既產品先可以有機會賺多少少...
    引用 2013-01-16 19:22
    0
  • 呢個係量o既問題, 我做過高登, d貨賺幾錢我好清楚, 我可以講大鋪同代理商一早傾好, 如果跑到幾多量就會有幾多% rebate, 假設一粒cpu返價$1000, 大鋪可能應承一季跑5000粒cpu就有2%rebate, 月頭大鋪就可能會加$20就出街, 即係標價$1020, 之後可能過o左兩個半月, 發現只係賣o左3500粒, 要追埋淨低果1500粒, 咁佢地就可能標$980, 帳面蝕$20, 之後完o左第一季, 我地黎計利潤, 起初3500粒每粒賺20蚊, 就有7萬, 之後果1500粒每粒蝕20蚊, 就蝕o左3萬, 最後因為該鋪成功跑到5000粒cpu, 所以有2%rebate, 即係1000x5000x0.02= 10萬, 最後就係 7萬-3萬+10萬= 14萬, 即大概每月單cpu收入可能會有4.7萬...

    但以上計算只適用於大鋪, 佢地根本唔係睇件貨返幾錢, 而係睇rebate有幾多, 用頭先個例子, 佢地要追數時, 故意蝕錢走貨, 因為佢地標$980, 仲平過同代理o既行家價, 結果d行家變成同大鋪攞貨, 咁就好快可以走晒d貨...

    咁細鋪點為生? 有d本身間鋪係自己o既就冇乜問題, 如果係租鋪o既好辛苦, 一般一件零件賺20蚊, 如果砌一部機 cpu, ramx2, harddisk, mainboard, dvd, case, powersupply, 8件散件即係賺 $160, 再加50-100砌機費, 有時打得手鬆d就有$300賺, 一台機先賺$300, 究竟要砌幾多部機先維到生? 我當一個人6000蚊人工, 都要砌20台先夠出糧, 差唔多日日要有機砌先回到本, 通常再加埋平時零售散件, 都唔夠維生, 所以主要賺錢就來自維修電腦同公司保養, 有d公司因為請唔起電腦人/唔想請多個人, 會去高登搵電腦公司, 接手所有電腦o既維修同支援, 一般會收一年/半年o既保養費, 而維修電腦通常收取$150-$400不等o既修理費(上門另計), 視乎間公司電腦師傅o既經驗...

    再講屋村鋪, 屋村鋪明顯好處就係租金比較平, 缺點就當然係冇咩人流, 佢地攞貨好明顯都係去高登格價, 不過格黎格去都係果三間, 點解佢地唔同代理直接入貨? 因為佢地量少, 而且唔集中, 人地代理兩三車貨就可以車晒成個高登一日o既量, 佢冇可能特登車入其他地方送貨...
    屋村鋪另一缺點就係d貨唔夠新, 因為佢地都始終都要入d貨方便d要即刻出o既機, 所以會儲定d貨以備不時之需, 一般唔知放幾耐, 而且因為佢地唔係成日出貨, 價錢亦冇可能追貼高登, 入o左貨之後跌價亦唔會有補價, 由於佢地入貨貴(交通問題), 出貨唔多, 冇辦法唔賣得貴d, 貴50-80都無可口非, 有時都有可能會出現屋村平過高登o既情況, 好似ram呢類格價浮動得比較利害o既電子產品, 大幅格價上升時, 屋村鋪未必咁快就跟上...

    老實講, 呢單野由頭到尾都只係聽樓主講, 實情係點冇人知, 你細佬唔識電腦, 隨口答人叫人整都唔奇, 返黎見你咁o既反應又唔敢認都有可能, 我角度上, 如果係純整機, 一般都只係會壞其中一樣, 唔知係牛定ram啦, 如果係壞牛, 好大機會就係見你部機慢, 問你加唔加ram, 風扇可能見你太污糟而問你換唔換新, 當然我都唔排除有d話50-100上門維修果d係明呃, 我當你條ram $200+ 一隻垃圾牛$290+ 風扇$60 = 550 即係打o左人工$370, 我當間鋪賺夠500, $500會唔會發達? 你落街搵個開鎖佬同你換個鎖都$500啦, 我當間屋村鋪$6000租, 自己人工10000, 請多條靚6000, 燈油火蠟保險會計商業登記都唔計, 每個月最少要呃44個樓主咁o既水魚先夠, 一個月26日工作, 唔好多, 假設有一半會報警, 個店主基本上唔洗返工, 日日係警署落口供就夠...

    P.S. 好多人淨係識睇高登個價, 你自己本事識砌, 自己去買料搞掂係好事, 自己唔識要搵人整, 就點都要俾人賺錢, 我唔排除呢個世界好多人對電腦有興趣而做義工, 不過唔好誤會整電腦就唔洗收錢!! 我以前公司好串, 唔係自己出o既機唔會整, 如果真係要我地整就會另收$300檢查費, 主要係杜絕樓主呢類人...咩野叫黑店? 入o左去拉閘, 屈你買幾萬蚊野先放你走果d, 仲有果d唔知咩野傳銷, 入會又要碌卡, 碌幾萬蚊果d就係黑店, 賺你果500我都唔知黑o係邊??
    如果樓主覺得人地賺你500好唔順氣, 你大可以睇樓下惠康, 如果你知道佢地返貨價, 你吐血都似...
    引用 2013-01-13 03:43
    0
 1 2 3 >>

發表回覆:

bChat