少傑
[樓主]

各位小心ID:peachson 賣壞貨!
話說本人在電腦買賣區收1T HD,之後騙徒ID:peachson pm本人有硬碟賣,問我ST31000340AS (1TB) firmware SD81有無興趣.
我先後已問,這硬碟是否正常,佢PM回答我"呢隻HDD之前我係用黎做下Backup,絕無壞區,上年年尾有個FD死Hdd又唔捨得貴買,問我借黎用,最近終於還番俾我"
22/06 6:45pm旺角交易,交收後...2小時回到家測試,發現底板找不到硬碟,換線換SATA插頭位置,我本身有4個硬碟都認得到唯獨係佢賣果部唔得,最後把所有硬碟拆除,只放ID:peachson賣的硬碟都認不到,哩隻HD根本早已死!!!!
我馬上9:00pm再打電話ID:peachson 手提電話...已經無法接通,一直打電話到11:00pm 還是無法接通
我相信哩個電話都唔會再接得通,我在此希望大家小心哩個人PM你地話有野賣,唔見錢事少,本來買心頭好變被騙心情,簡直粗口都難以形容,花時間花體力專程出去交易.

有網友PM叫我POST埋佢電話.以免換Uwant 帳號再犯案!! 67752989

0 0

• 
  Enid

  這是原文(睇番買家既圖):
  "年頭賣咗隻過保500GB HDD都收到$400, 宜家1TB先$300, 真係海鮮價. 呢隻HDD之前我係用黎做下Backup,絕無壞區,上年年尾有個FD死Hdd又唔捨得貴買,問我借黎用,最近終於還番俾我, 我無再check. 你有興趣就$300拎走,費事擺舊鐵係我度."
  
  我講緊部HDD之前無壞區,後來冇用借俾人番黎冇check過.我見買家乜都唔駛我check,連私保都冇問,先爽快答應個賤價$300賣出,唔係人人都有心機打開個機箱插條線然後行過乜乜test攪一兩粒鐘.買家出番公道價,我梗係會check清楚先賣.
  本來買家好聲好氣,在情我會退.
  
  宜家佢成個80後憤青,係度亂吠,中傷別人,佢唔肯跪地道歉,我沒有理由要采佢.

  引用 發表於：2013-01-15 07:53
  0 0
• 
  Enid

  唔識法律就唔該請教人. ching 連貨品售賣條例
  的scope都搞不清楚, 就唔好係度亂吹.

  引用 發表於：2013-01-15 10:02
  0 0
• 
  AchalMak

  直接報警啦

  引用 發表於：2013-01-15 12:23
  0 0
• 
  SanatFu

  唔好講咁多，報左警再上黎講
  不過二手又唔係店舖好難追

  引用 發表於：2013-01-15 13:00
  0 0
• 
  AbellaFan

  一睇D對話就知條粉腸水鳩人,邊有人賣野會講埋D咩冇CHECK,又咁肯定話冇壞,之後壞左就捉住呢點冇CHECK黎講咁X街? 人地都問有冇壞,你自己講冇壞,你身為賣家,講得出冇壞你就要交到貨比人,賣件垃圾比人熄埋電話,到人地爆件事出黎就係度死兜,你扮野都扮得醒少少啦

  引用 發表於：2013-01-15 16:11
  0 0
• 
  Enid

  一派胡言.
  
  
  第一, 已在PM跟你說清楚冇再check的, 是你不介意才買. 你也沒叫人作私保, 別人還以為你是爽快, 唔駛麻煩去檢查, 才爽快接受你的賤價. 一買一賣,你情我願,童叟無欺, 係你係度專登唔講清楚成件事, 想令其他人誤會;
  
  第二, 不是人人都是開24小時便利店, 又不是24小時on duty, 沒叉夠電出街然後關了電話,一個晚上聯絡不到有甚麼出奇, 24小時未夠都唔知嘈乜;
  
  第三, 都唔知你係咪自己唔小心整壞人地既野係度屈人;
  
  第四,你既處理手法令人好反感, 一開始已經呃呃騙騙係度壓價, 我費事煩也沒計較,跟著你未弄清楚就係度亂吠, 出言中傷別人. 根本沒理由要再理會一條咁既麻煩友;
  
  第五, 有病請睇醫生, 病向淺中醫. 想不開就請致電撒瑪利亞防止XX會.係度只有SB才為你說話.

  引用 發表於：2013-01-15 18:12
  0 0
• 
  AbellaFan

  諗下如實描述會係點,就大概諗到賣家係唔係好誤導:
  
  我賣呢件貨半年前冇壞,直到依家冇CHECK有冇壞,300賣比你我係唔會CHECK,500既話我就CHECK,如果壞左既話就唔會退錢.
  
  你開埋D咁X樣既條件,你估有冇人買你件貨?

  引用 發表於：2013-01-15 20:53
  0 0
• 
  Enid

  原文 (自己睇番):
  買家:
  " 300 OK?
  你部野有無壞磁區?   100% WORK?
  我用黎做RIAD 0 架  我本身果個新過你果隻少少500GB單碟  
  你果隻250GB單碟
  所以如果有少少壞既話...我D資料凍過水  哈哈~
  唔岩唔緊要..當大家吹下水~ "
  
  佢話吹水先,之後我梗係吹水答佢:
  "年頭賣咗隻過保500GB HDD都收到$400, 宜家1TB先$300, 真係海鮮價. 呢隻HDD之前我係用黎做下Backup,絕無壞區,上年年尾有個FD死Hdd又唔捨得貴買,問我借黎用,最近終於還番俾我, 我無再check. 你有興趣就$300拎走,費事擺舊鐵係我度."
  
  我都唔知買家冇做過小學生閱讀理解ga, 話明仲未check都肯買, 交收前又冇要求我check好先或提供私保. 佢拎番去有無整壞我唔清楚, 所以在理要賣家退說不過去.
  
  本來我係想買家幫我去check,慳咗我工夫先平賣出黎,所以在情 如果隻hdd check到有問題,我都打算俾佢退. 但星期五晚,交收完出咗去差唔多玩通宵,星期六黄昏睡醒就發現已經俾人係論壇追殺,仲快過岳飛俾人＋二道金牌召回. 我都唔知個買家係 friday night 自己一個人搞"機", 仲要想搞埋我ga.  事後呢幾晚仲要零晨打幾趟匿名電話黎搞事 (不過對我無影響). 要報警都應該是賣家先.
  
  
  如果咁樣都退俾佢,仲成世界?
  
  買家理虧在先,不仁不義在後, 作為賣家,也沒公佈買家的私人資料作反擊, 可說仁至義盡. 希望買家好自為之,知恥近乎勇, 勿做無用小兒.
  
  

  引用 發表於：2013-01-16 04:26
  0 0
• 
  BaileyFung

  買二手不嬲自己要付上風險加啦...
  我唔係話peachson冇錯, 賣家都有義務去幫買家check清楚
  只係我唔覺得今次既責任响曬peachson身上, 各佔其半啫
  報警其實為乜...你估真係拉到咩...
  下次醒目啲啦唯有....
  
  

  引用 發表於：2013-01-16 05:20
  0 0
• 
  MuktaDing

  報警 佢明昆
  我唔信HDD有冇問題佢會唔知...自己吉2條線就知喇...點會冇CHECK 唔知壞唔壞咁樣拎出黎賣?比你會信?
  有時D野...叫佢自己諗喇
  睇4樓個個POST 知咩料喇

  引用 發表於：2013-01-16 07:57
  0 0
• 
  Tonia

  依家講咩都無用 先去報警 等警察問清楚 跟據 商品說明條例其中一則
  
  貨品售賣條例
  
  當你和店方議訂價錢，買賣或訂製貨品，雙方便受到「貨品售賣條例」的約束。你有責任付款收貨，而店方的責任，則是收款交貨，而所交的貨品，必須完全符合以下四個要求：
  
  (一)   
  店方有權出售該貨品。即是說，店方是從合法途徑購入、製造或受物主委託出售該貨品。
  
  (二)   
  對貨品的任何口頭或文字的描述或樣本說明，必須真實正確和與事實相符。
  
  (三)   
  貨品必須能發揮應有的功用。但如果店方在售賣時，已經指出貨品的缺點，或有些缺點是你應該可以察覺到的話，那麼，購物後你便不可藉此向店方要求更換或退款。又若果因為你自己改變主意，不想購買該貨品，你是不能要求退款的。
  
  (四)   
  貨品的質素，包括其可用性、外觀、完整、安全和耐用，須具一定的水準。
  
  
  如果店方售賣的貨品，未能符合上述規定，縱使單據上註明「貨物出門，恕不退換」等字眼，你可以和店方商討下列一項賠償方法：
  
  (一)  
  取回購貨時的貨價；
  
  (二)  
  換取同樣或等值的其他貨品；
  
  (三)  
  接受修理；
  
  (四)  
  接受信貸單據，在指定時間內使用單上所列價值，購買店內等值的貨品。
  
  

  引用 發表於：2013-01-16 11:08
  0 0
• 
  BaileyFung

  二手harddisk 有錯?

  引用 發表於：2013-01-16 11:43
  0 0
• 
  JanetKo

  插條線 > 開機 > 睇有冇SHOW個盤出黎
  我只要5分鐘就搞好 (已包括插線)
  
  E加佢係冇SHOW任何野出黎
  
  
  不過我支持報警... 禁樣最公平...

  引用 發表於：2013-01-17 08:12
  0 0
• 
  Jared

  呢獲我幫賣家,
  1.PM真係寫到明「絕無壞區,但借完比FD就唔知」,買家應該留心睇每一隻字,唔好話賣家說話取巧,買家都應該叫賣家check多次,比埋圖,實冇死
  
  2.就算人地賣件壞野比你,都唔駛爆人電話出黎架?你報警,人地都可以話你「非法透露他人的個人資料」

  引用 發表於：2013-01-17 16:20
  0 0

發表回覆：